Richard Wakeling, 55 vjeç, ishte dënuar me 11 vjet burg nga drejtësia britanike për përpjekjen për të futur në vend për 8 milionë paundë (9 milionë euro) amfetaminë të lëngshme në vitin 2016.
Ai u arratis në vitin 2018, në prag të gjyqit të tij, dhe që atëherë ka qenë në listën e më të kërkuarve të autoriteteve të Mbretërisë së Bashkuar.
I arrestuar në shkurt në Tajlandë, ai u ekstradua dhe mbërriti në Britani të enjten në mbrëmje, tha NCA në një deklaratë.
Ai u paraqit në gjykatë të premten dhe “u burgos menjëherë pasi u dënua në mungesë”.
“Richard Wakeling mendoi se mund t’i shpëtonte drejtësisë duke u larguar nga MB”, reagoi Jacque Beer, menaxher i NCA-së, të shtunën. “Por puna e oficerëve të NCA këtu në MB dhe jashtë shtetit e ka mbajtur atë pas hekurave për një kohë të gjatë”.
I arratisuri u arrestua në shkurt në Bangkok, kur shkoi të merrte makinën e tij nga një garazh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
