Një ilaç eksperimental ka ngadalësuar shkallën e rënies së kujtesës dhe të menduarit te njerëzit me Alzheimer.
Kjo arritje përshkruhet si një “moment historik” për trajtimin e demencës.
Njohja e pacientëve me Alzheimer që iu dha ilaçi, i zhvilluar nga Eisai dhe Biogen, ra me 27 për qind më pak se ata që morën një trajtim placebo pas 18 muajsh.
Ky është një ndryshim modest në rezultatin klinik, por është hera e parë që ndonjë ilaç është treguar qartë se ndryshon trajektoren e sëmundjes.
“Është një moment historik për hulumtimin e demencës, pasi është prova e parë e fazës 3 të një ilaçi të Alzheimerit në një brez për të ngadalësuar me sukses rënien njohëse”, ka thënë doktoresha Susan Kohlhaas.
Studimi, i cili përfshiu afërsisht 1 mijë e 800 pacientë me Alzheimer në fazën e hershme, pacientëve iu dhanë infuzione dy herë në javë të ilaçit, të quajtur lecanemab.
Po ashtu doli se zvogëlon pllakat toksike në tru dhe ngadalëson rënien e kujtesës dhe aftësinë e pacientëve për të kryer detyrat e përditshme.
Afro një e pesta e pacientëve përjetuan efekte anësore, me rreth tre për qind të atyre pacientëve që përjetojnë efekte anësore simptomatike.
Rezultatet ofrojnë një nxitje për supozimin se pllakat ngjitëse që shihen në trurin e pacientëve me demencë luajnë një rol në dëmtimin e qelizave të trurit dhe në shkaktimin e rënies njohëse.
Një seri e kandidatëve të mëparshëm për ilaçe ishte treguar se reduktonte me sukses nivelet e amiloidit në tru, por pa ndonjë përmirësim në rezultatet klinike, duke i shtyrë disa të pyesin nëse fusha e kërkimit kishte qenë në rrugën e gabuar.
Profesori Rob Howard ka thënë se ky është një rezultat padyshim statistikisht pozitiv dhe përfaqëson një moment historik “kur shohim modifikimin e parë bindës të sëmundjes Alzheimer”.
Eisai dhe Biogen pritet të aplikojnë për miratim rregullator në SHBA dhe Evropë deri në fund të vitit.
Nëse miratohet, ofruesit e kujdesit shëndetësor do të kenë vendime të vështira nëse do të financojnë ilaçin, i cili kërkon infuzione çdo dy javë, dhe kush do të kualifikohet për të.
Përfitimet e përgjithshme do të varen nga fakti nëse pacientët që marrin ilaçin mbajnë një trajektore më të mirë përtej 18 muajve të parë.
Por të dhënat e fundit nuk mund t’i përgjigjen kësaj pyetjeje.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
