Sa vlen fitorja në Euro 2024?

Tashmë gjithçka është gati për aktin e fundit të turneut Euro 2024. Anglia dhe Spanja do të luajnë sonte për kupën, në finalen e cila do të zhvillohet në Berlin. Një pjesëmarrje që ka edhe ndikim ekonomik, si për UEFA-n ashtu edhe për federatat pjesëmarrëse.

Kampionati Evropian ka një ndikim të dukshëm në llogaritë e UEFA-s: edicioni i luajtur në 2021 solli 1.8 miliardë euro të ardhura me “vetëm” 1.2 miliardë kosto, me një fitim neto de facto prej mbi 600 milionë euro. Aq shumë sa të shtyjë xhiron e federatës kontinentale të futbollit në 5.7 miliardë euro, krahasuar për shembull me 4.4 miliardë në 2022-23.

Për 2023-24, megjithatë, parashikimi është për të ardhura rekord prej mbi 6.6 miliardë euro, të nxitura sërish nga Evropiani. Në veçanti, në fakt, UEFA pret të ardhura prej 2.4 miliardë në 2023-24 vetëm nga Euro 2024, me kosto rreth 1.2 miliardë euro: në fakt, kështu, fitimi për UEFA-n do të jetë rreth 1.2 miliardë euro.

Megjithatë, vetëm rreth një e shtata e të ardhurave do të përfundojë te federatat pjesëmarrëse. Federata kontinentale e futbollit ka konfirmuar më herët se çmimi do të jetë në një vlerë totale prej 331 milionë euro, pra e njëjta shumë që u shpërnda mes federatave të ndryshme në edicionin e kaluar, i quajtur zyrtarisht Euro 2020, por që u luajt në verën e 2021 për shkak të Covid.

Kjo shifër është reduktuar me 40 milionë euro krahasuar me 371 milionë që u treguan fillimisht për shkak të shpërthimit të pandemisë, por gjithsesi më e lartë se edicioni i vitit 2016, ku çmimi ishte 301 milionë.

E sigurt është se nëse mendojmë në vitin 1996, kur u shpërndanë 55 milionë euro për 16 finalistët, kuptojmë sesi futbolli është rritur me ritme marramendëse në 25 vitet e fundit.

Komiteti Ekzekutiv i UEFA-s konfirmoi jo vetëm shifrat, por edhe kriteret e shpërndarjes: çdo ekip kombëtar do të marrë të paktën 9.3 milionë euro vetëm si bonus pjesëmarrjeje, me çmime të lidhura më pas me rezultatet.

Në përgjithësi, pra, kushdo që ngre trofeun duke fituar të gjitha ndeshjet, mund të fitojë maksimumi 28.25 milionë euro, siç bëri Italia në edicionin 2020, një rritje krahasuar me 25.5 milionë të Portugalisë që e ngritën trofeun në 2016 në Francë.

Anglia deri më tani ka fituar 24.25 milionë euro:

• Bonusi i pjesëmarrjes: 9.25 milionë
• Rezultatet në grupe: 2 milionë
• Përparimi në raundin e 16-të: 1.5 milionë
• Përparimi në çerekfinale: 2.5 milionë
• Kalimi në gjysmëfinale: 4 milionë
• Finalja: 5 milionë (+3 milionë nëse ngre trofeun)

Spanja deri më tani ka fituar 25.25 milionë euro:

• Bonusi i pjesëmarrjes: 9.25 milionë
• Rezultatet në grupe: 3 milionë
• Përparimi në raundin e 16-të: 1.5 milionë
• Përparimi në çerekfinale: 2.5 milionë
• Kalimi në gjysmëfinale: 4 milionë
• Finalja: 5 milionë (+3 milionë nëse ngre trofeun)

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.