Kryeministri i Shqipërisë, Edi Rama, ka rikujtuar se gërmimet arkeologjike në varrezën e zbuluar mesjetare të Përmetit po vijojnë.
Rama e ka bërë të ditur këtë përmes një postimi në llogarinë e tij në platformën Facebook.
Përpos vazhdimësisë së punës, ai ka zbuluar edhe detaje të tjera.
“Specialistët e Institutit Kombëtar të Trashëgimisë Kulturore dhe DRTK Gjirokastër kanë nxjerrë në dritë të tjera objekte dhe po dokumentojnë rezultatet e gërmimeve”, ka shkruar Rama.
Gjithashtu ai ka treguar se bazuar te studimet paraprake, vathët, unazat dhe varëset e zbukuruara, i përkasin mesjetës së hershme, prej shekujve VIII-IX deri në XI.
Kryeministri e ka përmbyllur njoftimin duke ravijëzuar se “zbulimi i kësaj varreze shton informacionin për gjeografinë kulturore të tokës arbërore”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Emigrantët gati për Itali, lënë Gjadrin pas vendimit të gjykatës së Romës
-
KLP reagon pas deklaratave të Berishës: Dënojmë çdo presion ndaj SPAK
-
PD propozon ndryshime në Rregulloren e Kuvendit: Deputetët të deklarojnë nëse kanë përdorur ose jo Sky ECC dhe Encro Chat
-
Gjici kërkon lirinë, gjykata kërkon ngritjen e një grupi ekspertësh për të verifikuar gjendjen shëndetësore
