Hungaria e cila e ka njohur Kosovën në vitin 2008 si shtet i pavarur, tani ka filluar ta paraqes si shtet brenda hartës territoriale të Serbisë.
Balazs Orban, shefi i kabinetit të kryeministri hungarez, Viktor Orban, ka shpërndarë një hartë të medaljeve olimpike të fituara nga shtetet e Ballkanit dhe aty pjesa e Kosovës është e vendosur nën pjesën e Serbisë.
Gjithashtu, medaljet e fituara nga Kosova nuk janë të numëruara fare, mirëpo vetëm medaljet e Serbisë dhe shteteve të tjera.
“Nuk nevojiten fjalë – numri i medaljeve olimpike në rajon”, shkroi Orban në platformën e tij “X”.
Ndërkaq i menjëhershëm ka qenë reagimi i ish-ministrit të Punëve të Jashtme të Kosovës, Enver Hoxhaj.
“Harta e medaljeve olimpike të qeverisë hungareze duket se pasqyron një realitet fiktiv”, shkroi ai në platformën “X”.
“Vendi i merituar i Kosovës në hartë, së bashku me medaljet e fituara, është i pamohueshëm dhe këtu për të qëndruar. Më mirë fat herën tjetër me gjeografinë”, shtoi.
Kosova është renditur e 73-ta në Paris, pasi ka fituar dy medalje, një të argjendtë dhe një të bronztë.
Sportistët e Shteteve të Bashkuara të Amerikës dolën në vendin e parë të listës së vendeve të cilët morën më së shumti medalje të arta.
SHBA-ja doli në vend të parë me 40 medalje të arta, 44 të argjendta e 42 të bronzta, e gjithsej 126 medalje të fituara.
No words needed—number of #Olympic medals in the region#Hungary🔝❤️🤍💚 pic.twitter.com/CePh0eZGf4
— Balázs Orbán (@BalazsOrban_HU) August 12, 2024
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lajçak: Zbardhja e fatit të personave të zhdukur është një çështje urgjente humanitare
-
Haradinaj takon gjeneralin amerikan që ndihmoi në ngritjen dhe zhvillimin e FSK-së
-
Abdixhiku thotë se nëse zgjidhet kryeministër, buxheti i Kosovës do të jetë 5 miliardë euro
-
Komandanti i KFOR-it thekson nevojën për koordinim të vazhdueshëm me institucionet e sigurisë në Kosovë
