Vietnami e ka ndaluar filmin e shumëpritur të kompanisë diskografike Warner Bros, “Barbie” nga shpërndarja vendase për shkak të një skene që paraqet një hartë që tregon territorin e pretenduar të njëanshëm të Kinës në Detin e Kinës Jugore.
“Linja me nëntë viza” në formë U përdoret në hartat kineze për të ilustruar pretendimet e saj mbi zona të gjera të Detit të Kinës Jugore, duke përfshirë pjesë të asaj që Vietnami e konsideron pronën e tij kontinentale, ku ka dhënë koncesione nafte, shkruan CNN, transmeton AlbanianPost.
“Ne nuk i japim licencë filmit amerikan ‘Barbie’ për t’u shfaqur në Vietnam, sepse ai përmban imazhin ofendues të vijës me nëntë pika”, thuhet në deklaratën ku u citua Vi Kien Thanh, kreu i Departamentit të Kinemasë, një organ qeveritar përgjegjëse për licencimin dhe censurimin e filmave të huaj.
“Barbie” është filmi i fundit që u ndalua në Vietnam për paraqitjen e linjës kontroverse të Kinës me nëntë pika, e cila u hodh poshtë në një vendim arbitrazhi ndërkombëtar nga një gjykatë në Hagë në vitin 2016. Kina refuzon ta njohë vendimin.
Në vitin 2019, qeveria vietnameze tërhoqi filmin e animuar të DreamWorks “Abominable” dhe vitin e kaluar ndaloi filmin aksion të Sony “Unchartered” për të njëjtën arsye.
“Barbie”, me Margot Robbie dhe Ryan Gosling, fillimisht ishte planifikuar të shfaqej premierë në Vietnam më 21 korrik, në të njëjtën datë si në Shtetet e Bashkuara.
Vietnami dhe Kina kanë pasur prej kohësh pretendime territoriale të mbivendosura për një shtrirje potencialisht të pasur me energji në Detin e Kinës Jugore. Vendi i Azisë Juglindore ka akuzuar vazhdimisht anijet kineze për shkelje të sovranitetit të tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
