Mbajtësit e aseteve dixhitale priren të shfaqin nivele më të larta të tipareve “të errëta” të personalitetit si narcisizmi, makiavelizmi, psikopatia dhe sadizmi.
Kështu bën të ditur një studim i fundit akademik nga studiuesit në Universitetin e Toronto-s dhe Miami-t të botuar në revistën PLOS One, raporton “Bloomberg”.
“Rezultatet e paraqitura këtu sugjerojnë se pronësia e kriptomonedhës është e lidhur me disa karakteristika jonormative dhe ndoshta keqpërshtatëse”, tha raporti, duke shtuar se “individët që kishin blerë kriptomonedha kishin, mesatarisht, më shumë gjasa të besonin teoritë e konspiracionit, të mbështesnin grupet ekstremiste dhe të ndanin ndjenjat populiste”.
Studimi, i cili anketoi 2 mijë të rritur amerikanë, vuri në dukje se pronarët e kriptove priren të marrin rezultate më të larta në matjet e nevojës për kaos, paranojë, atribute skizotipale, dogmatizëm, mentalitet të viktimës dhe reaksion psikologjik.
Pak më pak se 30 për qind e të anketuarve thanë se zotërojnë, ose kanë në pronësi, kripto.
Është pothuajse e vetëkuptueshme se ka shumë shembuj të tipareve të personalitetit “të errët” edhe në botën tradicionale të korporatave.
Ndërsa ky studim është i pari i këtij lloji që nxjerr konkluzione midis mbajtësve të kriptomonedhave dhe tipareve psikologjike, të tjerët kanë dhënë lidhje midis psikopatisë dhe lidershipit abuziv të korporatës.
Një punim i vitit 2014 i botuar në Elsevier gjeti një lidhje të rëndësishme pozitive midis vlerësimeve të punonjësve për tiparet e psikopatisë në mbikëqyrësit e tyre dhe shqetësimit psikologjik të vetë-raportuar të punëtorëve dhe kënaqësisë në punë.
Në vitin 2021, çmimi i Bitcoin u ngjit në pothuajse 69 mijë dollarë përpara se të zhytej nën 16 mijë dollarë në vitin 2022.
Kriptovaluta preku më pas një kulm të të gjitha kohërave prej gati 74 mijë dollarë këtë vit.
Gjatë viteve të fundit, industria e aseteve dixhitale është goditur nga çdo gjë, nga liderët që u dënuan për mashtrim e deri te kandidati presidencial Donald Trump që reklamonte një rezervë kombëtare strategjike të Bitcoin-it.
Marrë dhe përshtatur nga “Bloomberg” për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
