Shqipëria

Prokuroria Fier dërgon në gjyq 3 persona, shkaktuan 3 milionë lekë dëm me ndërhyrjen në Vjosë


Prokuroria Fier ka dërguar në gjyq tre shtetas për “dëmtim të habitateve në zonat e mbrojtura”, pasi ata ndërhynë në Lumin Vjosë duke shkaktuar 3 milionë lekë dëm.

Prokuroria Fier ka përfunduar hetimet dhe ka dërguar për gjykim procedimin penal në ngarkim të shtetasve A.L, E.L dhe F.S të akuzuar për veprën penale “Dëmtimi i habitateve në zonat e mbrojtura mjedisore”, e parashikuar nga neni 202/b dhe 25 i Kodit Penal.

Nga ana e Gjykatës së Shkallës së Parë Fier është pranuar kërkesa për ta dërguar çështjen penale në gjykim.

Nga hetimet u provua se, të pandehurit në kundërshtim me kërkesat e legjislacionit në fuqi për zonat e mbrojtura, kanë kryer veprime që kanë shkaktuar përkeqësim të rëndë të habitatit, që ndodhet brenda zonës së mbrojtur mjedisore.

Të pandehurit kanë kryer veprime drejtim të marrjes së zhavorrit në Lumin Vjosë, lum i cili është shpallur Park Natyror përmes VKM nr. 59, datë 26.01.2022.

Nga veprimet e kryera të pandehurit kanë shkaktuar një dëm në vlerën 3 milionë lekë.

 

 

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore