Deri më tani, me siguri keni dëgjuar për përfitimet e shumta shëndetësore që lidhen me dietën mesdhetare.
Është vërtetuar se ndihmon në reduktimin e inflamacionit në trup, përmirëson funksionet njohëse dhe ruan shëndetin e zemrës.
Kjo dietë përbëhet nga lloje të ndryshme ushqimesh, por një nga më të famshmet dhe më të rëndësishmet janë ullinjtë.
Pavarësisht nëse i doni apo i urreni, ullinjtë janë të pasur me përfitime shëndetësore dhe për këtë arsye janë shtylla kurrizore e shumë dietave të shëndetshme.
Këto janë përfitimet e konsumimit të rregullt të ullirit për të cilat ndoshta nuk keni dëgjuar.
Sjellin një “injeksion” yndyrash të mira
Ullinjtë përbëhen kryesisht nga yndyra të shëndetshme dhe përmbajnë nivele të larta të acidit oleik, i cili përbën deri në 74 përqind të yndyrës totale në ullinj. Acidi oleik është një yndyrë e monounsaturuar që dihet se zvogëlon inflamacionin në trup.
Marrja më e lartë e yndyrave të tilla të shëndetshme, si ato të monounsaturuara dhe të poliunsaturuara, veçanërisht nëse ato zëvendësojnë yndyrat e padëshiruara si yndyrat e ngopura dhe trans, mund të përmirësojnë ndjeshëm shëndetin tuaj të përgjithshëm.
Mund të përmirësojnë funksionin e trurit
Një nga përfitimet kryesore të rritjes së marrjes së acideve yndyrore të shëndetshme në dietë është se ato përmirësojnë shëndetin dhe punën e trurit. Hulumtimet kanë treguar se njerëzit që konsumojnë shumë yndyrna të pangopura shpesh kanë nivele më të larta të neurotransmetuesit acetilkolinë të nevojshme për funksione të tilla si kujtesa dhe të mësuarit.
Ullinjtë përmbajnë gjithashtu substanca fenolike që janë gjetur se mbrojnë kundër sëmundjeve të lidhura me moshën, si çmenduria dhe sëmundja e Alzheimerit.
Ata japin një dozë të konsiderueshme fibrash
Ullinjtë dhe vaji i ullirit kanë shumë të njëjtat përfitime shëndetësore, por një nga përfitimet specifike të konsumimit të ullinjve të plotë është se ato përmbajnë fibra dietike. 80 gramë ullinj të konservuar përmbajnë rreth 3.2 gramë fibra, që është një sasi mjaft e madhe për një pickim kaq të vogël.
Fibrat e mjaftueshme në dietë janë çelësi për ruajtjen e shëndetit të zemrës, niveleve të shëndetshme të kolesterolit dhe tretjes së mirë.
Përmirësoni shëndetin e zemrës
Ullinjtë janë një nga ushqimet më të shëndetshme për zemrën për shkak të niveleve të larta të yndyrave të pangopura.
Sipas hulumtimit të botuar në revistën “Lipids in Health and Disease”, yndyrat e pangopura ndihmojnë në uljen e rrezikut të vdekjes në përgjithësi, rrezikun e goditjes në tru dhe sëmundjeve të zemrës dhe enëve të gjakut.
Ato gjithashtu mund të ndihmojnë në uljen e nivelit të kolesterolit të keq (LDL) dhe në rritjen e niveleve të kolesterolit të mirë (HDL), i cili gjithashtu ndihmon në ruajtjen e një zemre të shëndetshme.
Përmirësojnë sistemin e tretjes
Ullinjtë janë ushqime të pasura me fibra, të cilat janë të nevojshme për funksionimin normal të sistemit të tretjes. Vitamina E dhe yndyrat e pangopura pastrojnë zorrët nga radikalet e lira.
Një filxhan ullinj të zi përmban 17 përqind të marrjes ditore të fibrave, që ndihmojnë në përshpejtimin e procesit të ushqimit dhe shpërndarjen e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
