Lydia Ellery ka thënë se kompanitë janë në mëdyshje për ta punësuar atë për shkak të lidhjes së saj me serinë më të famshme së fundmi “Squid Game”, nofkë që ajo e ka përdorur për më shumë se një dekadë në rrjete sociale si emër të vet.
Ellery ka thënë se u është nënshtruar edhe abuzimeve virtuale nga fansat e shumtë të prodhimit të Netflix-it, “Squid Game”.
Si rezultat, përdoruesja e rrjetit social “Twitch”, po mendon të ndryshojë emrin e saj ikonik.
“Kam marrë shumë urrejtje nga fansat dhe më kanë refuzuar për punë, për shkak të emrit”, tha ajo në një intervistë për BBC.
Lydia, e cila është nga Londra, por jeton në Bristol, ka qenë pjesë e platformave të mediave sociale, si faqja e transmetimit të lojërave Twitch dhe Instagrami, ku ishte prezantuar me emrin Squid Game për 11 vjet dhe në Twitter si – SquidGaming.
Ajo ka 42 mijë e 300 ndjekës në Twitch dhe është gjithashtu pjesë e Yogscast, kolektiv me më shumë se shtatë milionë abonentë në YouTube.
“Për mua, ishte thjesht një emër që e mendova në ato momente, aso kohe, dhe nuk e logjikova thellësisht”, tha ajo.
Por, gjërat kanë ndryshuar dhe tani emri ka një kuptim tjetër.
Seriali televiziv korean – i cili tregon historinë e një grupi njerëzish të detyruar të luajnë lojëra vdekjeprurëse të fëmijëve për të fituar para, është kthyer në një sensacion viral, ndërsa u ndoq nga 142 milionë familje në mbarë botën në katër javët e para.
“Për shkak se seria nuk ka një llogari zyrtare në Instagram, unë u sulmova nga njerëz, të cilët më etiketonin ose më dërgonin mesazhe me mendimin se isha unë seriali”, thotë ajo.
Ndryshe, për të promovuar serinë “Squid Game”, Netflix përdor llogarinë e vet dhe jo një llogari adekuate të serisë.
Squid Game Profile Icons are now on Netflix and I'm immediately changing to Sae-byeok! pic.twitter.com/rhNQxPA5vx
— Netflix (@netflix) October 14, 2021
Mes tjerash, Lydia thotë se disa nga mesazhet kanë qenë gjithë mllef, çka e ka bërë atë të ndihet e stresuar.
“Fillova të merrja mesazhe abuzive nga njerëzit. Ata po zemëroheshin me mua sepse ishin mega fansa dhe menduan se unë e mora llogarinë nga seriali”.
“Më duhej të fikja njoftimet në Instagram-in tim, sepse ishte thjesht konstante. Telefoni im është përmbytur nga lajmërimet”, vazhdoi ajo.
Llogaritë e Lydia-s kanë qenë aq të kërkuara, saqë është përjashtuar disa herë prej tyre dhe i është kërkuar të rivendosë fjalëkalimin e saj.
“Njerëzit po raportonin llogarinë time dhe njerëz të pafund janë përpjekur të hakojnë llogarinë time. Unë vazhdoj të marr emaile nga njerëzit që përpiqen të identifikohen. Ka qenë vërtet zhgënjyese”, tha ajo.
Gjithsesi, ajo po mendon të ndryshojë emrin e saj – dhe të markës që ka ndërtuar për më shumë se një dekadë.
“Nëse kërkoni për mua dhe markën time, të cilën e kam për më shumë se 10 vjet, gjithçka që mund të gjeni është një seri televizive. Kohët e fundit më kanë refuzuar për punë për shkak të këtij problemi.
Përveç transmetimit të saj të drejtpërdrejtë, Lydia bën disa punë prezantuese dhe reklamuese – gjë që e ka vuajtur.
“Kompanitë që po më jepnin këtë rol të fundit më thanë në mënyrë specifike se nuk e mora punën, për shkak të dorezës sime të Squid Game”, tha ajo.
Dhe ndërsa ajo nuk dëshiron të ndryshojë emrin e saj, ajo nuk është e sigurt nëse ka një zgjedhje.
“Ndihem e mërzitur për të gjithë situatën dhe jam tepër e lodhur”, ka përfunduar ajo.
Ndryshe, përfshirja e personazheve të ‘Squid Game’, të cilët janë përfaqësues të pakicave të pafavorizuara të Koresë së Jugut, nxjerr në pah pasojat e pabarazisë socio-ekonomike për këto grupe.
Shfrytëzimi i rëndë i punëdhënësit të një fabrike, të një punëtori migrant, i cili është i detyruar të hyjë në lojë është përfaqësues i barrierave.
Shfaqja shpreh në mënyrë të përsëritur kthesën në rritje, sipas mendimit të zhvillimit të shpejtë të Koresë së Jugut gjatë viteve 1970 dhe 1980, dhe lidhjen e tij me rritjen e kishës në atë kohë.
Squid Game u kujton brutalisht fituesve të secilës fazë dhe audiencës globale të shfaqjes, se ata që kanë sukses shpesh e bëjnë këtë në kurriz të atyre që dështuan për shkak të dobësisë, diskriminimit, gjykimit të dobët ose thjesht fatit të keq.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
