Oficerë të Forcës së Sigurisë së Kosovës (FSK) kanë zhvilluar trajnime teorike e praktike me instruktorë të ushtrisë turke për përdorimin e HAR-66, një sistem i avancuar antitank i industrisë turke, i cili ofron një zgjidhje efektive për të përballuar kërcënimet nga mjetet e blinduara në fushën e betejës.
Në njoftimin e FSK-së krahas fotografive të postuara në “Facebook” të dielen në mbrëmje, thuhet mes tjerash se trajnimi synon ngritjen e kapaciteteve profesionale. FSK-ja ka njoftuar ndër të tjera se trajnimi për antitankun HAR-66 është realizuar në kuadër të bashkëpunimit mes Kosovës dhe Turqisë.
“Instruktorë të ushtrisë turke realizuan trajnim teorik e praktik në përdorimin e antitankut HAR-66, duke përgatitur e trajnuar nënoficerët e oficerët e Kosovës, me qëllim të ngritjes së kapaciteteve profesionale ushtarake me standardet e vendeve të zhvilluara, duke krijuar kështu ndërveprueshmëri me partnerët në të mirë të paqes dhe sigurisë globale”.
Një nga aspektet kyçe të bashkëpunimit në fushën e mbrojtjes mes Kosovës dhe Turqisë është trajnimi i FSK-së. Turqia ofron kurse të specializuara për ushtarët kosovarë, duke përmirësuar aftësitë e tyre dhe duke kontribuar gjithashtu në transformimin e FSK-së në forcë me kapacitete ushtarake.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti: Kosova, fener i demokracisë dhe të drejtave të njeriut në Ballkanin Perëndimor
-
Oficerët e FSK-së stërviten nga ushtria turke për përdorimin e antitankut HAR-66
-
Bassuener: Dialogu i BE-së aktualisht shërben për të shmangur zgjidhjen e problemeve mes Kosovës e Serbisë
-
Rexhep Rexhepi, Mbreti i ri i pavarur i orëve të papërsosura
Lajmet kryesore
-
Rexhep Rexhepi, Mbreti i ri i pavarur i orëve të papërsosura
-
Transformimi radikal i Tiranës: Si kryeqyteti shqiptar po përcakton traditën dhe rishkruan të ardhmen
-
Regjimi i Putinit do të shembet pa paralajmërim, thotë disidenti i liruar
-
Kurti: Kosova, fener i demokracisë dhe të drejtave të njeriut në Ballkanin Perëndimor