Platforma gjigante e transmetimit Netflix dhe regjisorja Ava DuVernay kanë zgjidhur një padi për shpifje në lidhje me serialin dramatik të vitit 2019 “When They See Us”.
Transmetuesi dhe regjisorja u paditën nga një ish-prokurore e qytetit të Nju Jorkut, Linda Fairstein, e cila pretendoi për shpifje për portretizimin e saj në serialin televiziv.
Seriali me katër pjesë mbuloi historinë e pesë adoleshentëve me ngjyrë dhe latinë të dënuar gabimisht – të njohur si Central Park Five – të cilët u akuzuan për sulmin dhe përdhunimin e një gruaje në Central Park në vitin 1989.
Gjyqi për shpifje ishte caktuar të fillonte javën e ardhshme, por tani është arritur një marrëveshje mes të dyja palëve.
DuVernay tha se nuk kishte asnjë marrëveshje financiare me Fairstein, megjithatë transmetuesi ka rënë dakord të dhurojë 1 milion dollarë për Projektin e Pafajësisë, i cili punon për të shfajësuar njerëzit që janë dënuar gabimisht.
Netflix gjithashtu ka rënë dakord të bëjë ndryshime në episodet.
Transmetuesi tha se do të zhvendoste një mohim se disa ngjarje janë dramatizuar në fillim të çdo episodi, në vend që ai të shfaqej në titull si më parë.
Mohimi tani thotë: “Ndërsa filmi është i frymëzuar nga ngjarje dhe persona aktualë, disa personazhe, incidente, vendndodhje, dialogë dhe emra janë trilluar për qëllime dramatizimi”.
Pjesëtarë të industrisë e kanë ndjekur rastin për të vlerësuar ndikimin që mund të ketë në rregullat rreth shfaqjeve dhe filmave biografikë televizivë.
Fairstein ishte në krye të krimeve seksuale në Manhatan në atë kohë dhe ngriti një padi në vitin 2020 duke pretenduar se ajo ishte përshkruar në një “mënyrë të rreme dhe shpifëse në pothuajse çdo skenë” dhe portretizuar si një “raciste”.
Një deklaratë nga shkrimtarja dhe regjisori DuVernay tha se ajo dëshironte që çështja të shkonte në gjyq dhe besonte se Fairstein ishte përgjegjëse për hetimin dhe ndjekjen penale që rezultoi në dënime të gabuara.
“Linda Fairstein vendosi që nuk ishte e gatshme të përballej me një juri të bashkëmoshatarëve të saj”, thuhet në deklaratën e regjisores.
“Si drejtuese e njësisë për krimet seksuale në Manhattan, Linda Fairstein ishte në zonë për më shumë se 35 orë rresht, ndërsa djemtë u morën në pyetje si të rritur, shpesh pa praninë e prindërve”, tha ajo më tej.
DuVernay, e cila gjithashtu drejtoi filmin” A Wrinkle In Time të Selma”, shtoi se nuk kishte pasur “asnjë pagesë për Fairstein ose avokatët e saj të çfarëdo lloji”.
Në një deklaratë Fairstein tha se zgjidhja e çështjes përpara gjyqit “nuk ishte e lehtë”, por ishte “për të rregulluar të dhënat historike që karikatura e keqe e shpikur nga të pandehurit dhe e portretizuar në ekran nuk isha unë”.
Ajo shtoi se ishte e bindur se do t’i kishte paraqitur një “rast bindës jurisë”.
Ish-prokurorja, e luajtur nga Felicity Huffman në serial, ka një rol të madh në serialin fitues të çmimit “Emmy”.
DuVernay tha se ajo dhe Netflix hodhën poshtë kërkesat fillestare të Fairstein për një pagesë në para dhe asnjë para nuk i është paguar Fairstein në zgjidhje.
Kush ishin Central Park Five?
Një mbrëmje pranvere të vitit 1989, një grup prej rreth 30 adoleshentësh po rrinin në Central Park, Nju Jork.
Disa prej tyre po shkaktonin probleme serioze – duke përfshirë lëndimin e rëndë të të tjerëve në park dhe ngacmimin e njerëzve të pastrehë.
Po atë natë, një grua e bardhë 28-vjeçe, Trisha Meili, kishte dalë për vrap në park.
Ajo u gjet e rrahur dhe e përdhunuar dhe ishte në koma për 12 ditë – dhe në atë kohë, çështja e “Central Park Jogger” do të mbërthente qytetin e Nju Jorkut.
Pesë të rinj me ngjyrë dhe hispanikë, të moshës midis 14 dhe 16 vjeç, do të shpalleshin fajtorë dhe do të burgosen për krimin.
Ata u bënë të njohur si Central Park Five.
Por ata kurrë nuk e kryen krimin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
