Të dielën në ora 20:15 minuta, në Aeroportin Ndërkombëtar “Adem Jashari” në Prishtinë, ka ateruar aeroplani i parë ushtarak i KFOR-it Amerikan me 111 afgan në ekuipazh.
Ata zbarkuan në pjesën e vjetër të aeroportit, për t’i ikur kontakteve me fluturimet e rregullta të qytetarëve në vajtje ardhje.
Në pritje të refugjatëve afgan dolën Presidentja e Vendit Vjosa Osmani, Kryeministri, Albin Kurti, Ministri i Punëve të Brendshme të Kosovës, Xhelal Sveçla dhe ambasadorët e vendeve të QUINT-it.
Refugjatët, kryesisht janë gra, fëmijë dhe pleq, të cilët janë familjarë të bashkëpunëtorëve të NATO-s në Afganistan.
Me të arritur në aeroport, ndaj tyre filluan procedurat e verifikimit dhe më pas të gjithë i janë nënshtruar testimit për COVID-19.
Rezultatet e testit, për të gjithë dolën negativ.
“Shërbimi shëndetësor ka qenë aty nga Qendra Klinike Universitare e Kosovës, bashkë me ekipin për testim për COVID-19. Të gjithë janë testuar dhe kanë marrë shërbimet shëndetësore varësisht nga nevoja”, ka treguar më tej, Nikolla për Albanian Post.
Nuk është dhënë shifra e saktë se sa refugjatë do të strehohen përkohësisht në Kosovë, në ish kampin e Bechtel Enka-s, i cili gjendet shumë afër kampit të Bondsteel-it, në dalje të qytetit të Ferizajt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com