Mbetjet e fosilizuara nga Isle of Wight janë identifikuar si një specie e re dinosauri që ka marrë emrin e një paleontologu në Muzeun e Historisë Natyrore të Londrës.
I përket një grupi dinosaurësh që hanë bimë të njohur si ankilosaurët që u gjetën në vitet 1980 në formacionin Wessex të ishullit.
Pasi analizat zbuluan se ishte një specie e re, u emërua Vectipelta barretti, sipas Paul Barrett, kreu i vertebrorëve fosile në Muzeun e Historisë Natyrore (NHM).
Ky është dinozauri i dytë që gjendet në ishull, i pari është Polacanthus foxii, i cili u zbulua në vitin 1865.
Ai ndryshon nga paraardhësi i tij në kockat e qafës dhe shpinës. Analiza tregon se të dy speciet kanë struktura të ndryshme të legenit.
Sakaq, gjetjet janë përshkruar në Journal of Systematic Palaeontology.
Edhe pse të dy ankilosaurët e kishin origjinën nga i njëjti ishull, studiuesit zbuluan se ata nuk ishin të lidhur ngushtë.
V barretti është më i lidhur me disa ankilosaurë kinezë, duke sugjeruar që këta dinosaurë lëviznin lirshëm nga Azia në Evropë deri në 145 milion vjet më parë.
Stuart Pond, një studiues në departamentin NHM të shkencave të Tokës, ka thënë se “ky është një ekzemplar i rëndësishëm sepse hedh dritë mbi diversitetin e ankilosaurëve brenda formacionit Wessex dhe Anglisë së hershme”.
Studiuesit kanë thënë se shkëmbinjtë nga formacioni Wessex dhe Isle of Wight janë “shumë të rëndësishëm” për të kuptuar më shumë rreth asaj se si dinozaurët u zhdukën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
