Kompania e njohur kineze e lojërave, Tencent, po zhvillon njohjen e fytyrës për të ndaluar fëmijët të luajnë ndërmjet orës 22:00 të mbrëmjes dhe 08:00 të mëngjesit.
Agjencia e lajmeve, BBC, tregon se teknologjia e “patrullimit të mesnatës” do të ndalojë “hilet” duke anashkaluar shtetrrethimin e qeverisë, të prezantuar në 2019-n me një kufi mbi atë që lojtarët e rinj mund të shpenzojnë për transaksione në lojë.
Ndalimet kërkojnë që lojtarët të regjistrohen me letërnjoftimet e tyre zyrtare, të lidhura me një bazë të dhënash kombëtare.
Por fëmijët pretendohet se kanë përdorur letërnjoftimet e të rriturve në vend të letërnjoftimeve të tyre.
Tanimë, kushdo që luan për një kohë të caktuar do të kërkojë një skanim të fytyrës për të provuar se është i rritur.
BBC shkruan se Tencent-i nisi testimin e sistemit në vitin 2018, por tani do të mbulojë më shumë se 60 lojëra nga kompania më e madhe në botë e lojërave.
Kompania njoftoi edhe zgjerimin në shërbimin e mesazheve QQ të Kinës, duke e quajtur atë “lundrim me orë zero”, të cilën faqja e lajmeve kineze Sixth Tone e përktheu si “patrullë e mesnatës”.
Shumë nga titujt kryesorë të Tencent, të tilla si Nderi i Mbretërve dhe Lojë për Paqen, janë për telefonat. Dhe lojërat me celularë janë shumë më të popullarizuara në Kinë sesa në perëndim.
Për sa i përket njohjes së fytyrës, ajo është më e lehtë për t’u zbatuar duke përdorur kamerën e një telefoni sesa në një kompjuter ose tastierë lojërash.
Dhe kontrollet e moshës duke përdorur kamera janë sugjeruar për të verifikuar moshën e përdoruesve për shitjet në internet të produkteve të të rriturve.
Lojërat video në Kinë janë akuzuar shpesh se kanë pasur një ndikim negativ tek të rinjtë, duke përfshirë edhe dëmtimin e shikimit tek fëmijët.
Dhe në një përpjekje për të trajtuar atë që Kina e konsideron lojërat “problematike”, të gjithë titujt e rinj duhet të aprovohen nga një rregullator, i cili në vitin 2018 “ngriu” lëshimet dhe që atëherë duket se kufizon numrin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
