Jonathan Majros thotë se “nuk është i surprizuar” nga padia e re e ish të dashurës së tij Grace Jabbari

Aktori amerikan, Jonathan Majors u pa duke u palestruar në një qendër sportive në Los Anxhelos mes lajmeve se ai po përballet me një padi nga ish e dashura e tij Grace Jabbari.

Aktori 34-vjeç dukej se ishte në gjendje fizike fenomenale teksa u pa me ekspertin e fitnesit Jason Best duke ushtruar një ambient stërvitjeje, shkruan DailyMail, transmeton AlbanianPost.

Ylli i filmit “Ant-Man and the Wasp: Quantumania” tha se po trajnohej për “punë” të lidhur me karrierën e tij të aktrimit.

Ai shtoi, “Gishtat e kryqëzuar”, një referencë për rrugën e vështirë profesionale dhe ligjore në të cilën ai ka kaluar mes një viti skandali që rrjedh nga akuzat për dhunë në familje që Jabbari bëri kundër tij në mars të vitit 2023, që rrjedhin nga një grindje në pjesën e pasme të një makine.

Në dhjetor, Majors u shpall fajtor për dy akuza për ngacmim dhe sulm në lidhje me incidentin; ai pritet të dënohet muajin e ardhshëm.

I pyetur nëse ndihej mirë të kthehest në aktrim, aktori i nominuar për “Emmy” tha se nuk ka “asgjë më të mirë në botë” se të qenit baba për vajzën e tij Ella.

Ai përmendi dashurinë e tij për të dashurën Meagan Good, 42 vjeçe, duke thënë se ajo është “zemra” e tij dhe se ata kanë një ndjenjë të fortë “lidhjeje, mirëkuptimi dhe dashurie”.

Majors tha se nuk është i befasuar nga padia e re e bërë nga Jabbari, e cila tha se aktori ka kryer akte të “shkaktimit të qëllimshëm të shqetësimit emocional” ndaj saj.

Majors, i përgatitur për më shumë detaje mbi opinionin e tij për padinë, i tha mediumit se ai “nuk mund të thotë shumë më tepër për të – ky është ligji”.

Të martën e 19 marsit, Jabbari, një balerinë britanike, paraqiti një ankesë civile ku theksoi se ajo tani po kërkon dëmshpërblim për dëmtimet që pësoi nga incidenti dhe ka pretenduar se Majors kreu “shkaktim të qëllimshëm të shqetësimit emocional” kundër saj.

Në ankesë, Jabbari pretendoi gjithashtu se ish i dashuri i saj “bëri deklarata të rreme me vetëdije” për të gjatë një interviste në janar me ABC News – e para e tij që kur u dënua.

“Thënë troç, mbrojtja e Majors ndaj përshkrimeve të Grace për aktet e shumta të dhunës që ai kreu kundër saj ishte tentim për tu dukur si shpifje dhe për ta etiketuar atë si gënjeshtare për të gjitha pretendimet”, thuhej në ankesë.

“I pandehuri synonte që deklaratat e tij të rreme dhe shpifëse të transmetoheshin në mbarë botën”,përfundoi ankesa.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.