Me bukurinë e saj natyrore, ushqimin, artin dhe stilin e jashtëzakonshëm, Italia është një destinacion ku vizitat ia vlejnë.
Çdo cep i Italisë është plot me histori
Sapo të shkelni në tokën italiane, do të dalloni kudo historinë dhe kulturën e saj të lashtë. Qytetet historike italiane si Roma do t’ju tregojnë gjurmët gjigante të një perandorie të fuqishme antike, mbretërisë Papale dhe familjeve fisnike të Rilindjes, ndërsa qytetet më të vogla si Firence do t’ju çojnë në mesjetë.
Do të gjeni edhe gjurmë të Mesjetës në qytetet Viterbo, Bracciano, Perugia ose Venecia, ndërsa Sardenja, nga ana tjetër, është shtëpia e kullave prej guri Nuraghe nga epoka e bronzit dhe fshatrave që i përkasin qytetërimit të lashtë të ishullit mesdhetar.
Ndërsa bashkimi i Italisë ose Risorgimento në një shtet të vetëm të Mbretërisë së Italisë ndodhi relativisht herët në shekullin e 19-të, diversiteti i shteteve dhe mbretërive të saj të vogla është i paprekur.
Ata mund të flasin të njëjtën gjuhë, por çdo rajon ka dialektin, kuzhinën, historinë, kulturën dhe traditën e tij specifike. Shumëllojshmëria e kulturës së saj dhe trashëgimia e saj e madhe historike janë vetëm disa nga arsyet e shumta pse njerëzit e duan Italinë.
Trashëgimia e pasur si e artit ashtu edhe e arkitekturës
Me kalimin e viteve, trashëgimia e pasur e artit dhe arkitekturës së Italisë ka joshur shumë njerëz. Duke u shtrirë që para kohës romake dhe duke vazhduar edhe sot, vendi është i mbushur me shumë thesare arkitekturore dhe artistike.
Çdo epokë ka thesaret e saj, por vendi është i njohur për artistët, arkitektët, inxhinierët dhe shpikësit e tij të mrekullueshëm, të cilët ndryshuan botën.
Hidhini një sy veprave si: “Pieta” dhe “Gjykimi i Fundit” të Michelangelos, “Njeriu i Rilindjes” të Leonardo da Vinçit ose “Venus of Urbino” të Titianit për t’u mrekulluar me gjeniun e tyre artistik ose për të mësuar pak kulturë.
Vendi është një strehë për këdo që dëshiron të eksplorojë arkitekturën dhe dizajnin gjatë shekujve.
Disa nga veprat më të famshme të artit përfshijnë peizazhet elegante të rrugëve të Firences, Koloseumin e ruajtur bukur në Romë, tavanin e pikturuar të Kapelës Sistine dhe kupolën e përsosur prej mermeri të Katedrales së Shën Pjetrit në qytetin e Vatikanit.
Edhe urat e bukura të harkuara të Venecias mbi kanalet e saj si dhe nivelet perfekte të kartolinave e të vilave shumëngjyrëshe të Positanos janë vetëm një listë e shkurtër e asaj që arti dhe arkitektura italiane kanë për të ofruar.
Bukuritë natyrore
Peizazhet natyrore që ofron ky vend janë vërtet madhështore. Do të shihni diversitet kudo që të shkoni, nga malet madhështore dhe liqenet piktoreske deri te vijat bregdetare me diell dhe shtrirjet e pyjeve të gjelbërta e të errëta. Pamjet e tyre magjepsëse janë vetëm disa nga arsyet pse duhet të vizitoni Italinë.
Vizitoni Dolomitet në verilindje dhe Alpet italiane të mbuluara me borë në veri, ku mund të ecni, të bëni biçikletë ose të bëni ski.
Majat e Dolomiteve, që ngrihen mbi 3 mijë metra lartësi mbidetare dhe mbulojnë 141 mijë e 903 hektarë tokë, do t’ju ofrojnë peizazhet më të bukura malore kudo, me mure vertikale, shkëmbinj të thellë dhe një densitet të lartë luginash të ngushta, të thella dhe të gjata.
Zbuloni liqenet e mrekullueshëm të Italisë që ndodhen midis luginave të këtyre maleve mahnitëse. Mos humbisni liqenet e vendosura në veri, liqenet Como, Maggiore dhe Garda të rrethuar nga male të gjelbërta dhe kodra të mrekullueshme.
Të lodhur nga malet dhe liqenet? Shkoni për vizitë në kopshtet aromatike të portokalleve të Siçilisë, dehuni në vreshtat e Toskanës dhe Lazios dhe ecni nëpër shtëpitë e kishat mijëravjeçare të gdhendura në shkëmb në tokat e gropave të Bazilikatës.
Eksploroni vijën bregdetare më të gjatë në Evropë
Vijat bregdetare të pacenuara të Italisë lahen nga ujërat e pesë deteve: Mesdheut, Adriatik, Jon, Tirren dhe Ligurian.
Nuk jeni kurrë shumë larg nga një plazh, pasi pothuajse të gjitha rajonet italiane (përveç Umbrias) kanë dalje në det.
Pra, shijoni një pushim veror të pashembullt, duke pushuar në plazhe dhe duke shijuar ushqime të freskëta deti, ndërsa admironi bukurinë e detit blu smerald.
Pavarësisht se cili është stili juaj i plazhit, resorte luksoze apo vende fshatare dhe historike, ju do të gjeni një vend për të përmbushur të gjitha kërkesat dhe shijet tuaja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
