Hungaria ka thjeshtuar kushtet për lëshimin e vizave të punës dhe hyrjen në vend për shtetasit rusë dhe bjellorusë.
Një zgjedhje – raportojnë disa media evropiane – e cila ka ngritur shqetësime nga shumë anë në lidhje me rreziqet e sigurisë.
“Komisioni do të kontaktojë autoritetet hungareze për të sqaruar nëse ky synim është brenda rregullave të BE-së. Për BE-në, Rusia përfaqëson një kërcënim sigurie dhe shtetet duhet të sigurojnë kushtet e sigurisë si të BE-së ashtu edhe të zonës Shengen”, ka thënë zëdhënësja Anitta Hipper.
Ditët e fundit Hungaria ka publikuar detaje të një sistemi të ri të vizave të shpejtë për qytetarët e tetë vendeve, përfshirë Rusinë dhe Bjellorusinë, të cilët do të mund të hyjnë në Hungari pa kontrolle sigurie apo kufizime të tjera.
Budapesti ka deklaruar se shumë prej tyre do të ndërtojnë një central bërthamor me teknologji ruse.
Masa, megjithatë, ka shkaktuar një reagim të menjëhershëm.
Në një letër të parë nga Financial Times, Manfred Weber ka thënë se vendimi i Budapestit do të lejojë rusët e pakontrolluar të udhëtojnë të papenguar në pjesën më të madhe të BE-së dhe ngre “shqetësime serioze të sigurisë kombëtare”.
Në letrën, drejtuar Presidentit të Këshillit Evropian, Weber ka kërkuar që samiti i 27-të në fund të tetorit të merret me këtë çështje.
Zëdhënësja e Komisionit sakaq, ka thënë se ekzekutivi i BE-së do të kontaktojë autoritetet hungareze për të sqaruar nëse masat “janë brenda rregullave të BE-së”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
