Një aktivisti politik gjerman iu mohua hyrja në Hong Kong nga Kina kontinentale, një rast i rrallë kur politika e imigracionit dukej më kufizuese në qendrën e financave dikur të lirë se pjesa tjetër e vendit.
Kështu shkruan në artikullin e saj, kompania mediatike “Bloomberg”.
David Missal, një avokat me bazë në Berlin për çështjet e Hong Kong-ut dhe Tibet-it, po udhëtonte nga Pekin-i për në ish-koloninë britanike për një pushim kur autoritetet në aeroport e ndaluan dhe e morën në pyetje për rreth 13 orë, zbuloi ai të hënën.
Missal bashkëthemeloi një grup jofitimprurës që mbron një Hong Kong “të lirë dhe demokratik” dhe aktualisht punon për “Tibet Initiative Deutschland”, e cila bën fushatë për vetëvendosjen e rajonit kinez.
Pekin-i zyrtar e ka lidhur një avokim të tillë me thirrjet për shkëputje.
Refuzimi erdhi disa muaj pasi Hong Kong-u bllokoi hyrjen e një përfaqësuesi të Reporterëve pa Kufij për të monitoruar gjyqin e ish-manjatit të medias Jimmy Lai, i cili është akuzuar për rrezikim të sigurisë kombëtare.
Në të dyja rastet, autoritetet nuk shpjeguan vendimet e tyre.
Mohimi i hyrjes për njerëzit e lidhur me grupet e të drejtave të njeriut ka nxitur kritika nga qeveritë perëndimore për tkurrjen e lirive që e kanë veçuar qytetin prej kohësh nga kontinenti.
Autoritetet amerikane lëshuan javën e kaluar një paralajmërim këshillues se bizneset që operojnë në Hong Kong mund të bien në kundërshtim me legjislacionin e ri të sigurisë kombëtare, në një njoftim që qeveria e qytetit e hodhi poshtë si “të gënjeshtërta dhe të pavërteta”.
Missal, i diplomuar për master në Universitetin e Hong Kong-ut, tha se ai zbarkoi në mbrëmjen e vonë të së shtunës dhe u mor në pyetje në një dhomë pa dritare nga rreth mesnata deri pas mesditës.
Ai nuk ishte në gjendje të flinte dhe e quajti përvojën “pak shqetësuese nga ana emocionale”.
Oficerët e pyetën Missal-in për punën e tij, çfarë planifikonte të bënte në Hong Kong, studimet e tij të kaluara në qytet dhe në Kinë.
Ata pyetën edhe për dëbimin e tij nga kontinenti. Në vitin 2018, autoritetet refuzuan të rinovonin vizën studentore të Missal-it pasi ai paraqiti një projekt mbi të drejtat e njeriut gjatë programit të tij master në Universitetin Tsinghua në Pekin, shtoi Missal.
Autoritetet e Hong Kong-ut cituan vetëm “arsye imigrimi” për refuzimin e hyrjes përpara se ta lejonin të fluturonte për në Vietnam, nënvizoi aktivisti.
Ai tha se mund të lidhej me punën e tij në Iniciativën e Tibetit, dëbimin e tij të mëparshëm nga Kina ose aktivizmin e tij të mëparshëm në lidhje me Hong Kong-un.
Missal tha se oficerët nuk ia hoqën telefonin dhe ai kontaktoi konsullatën gjermane në Hong Kong për këshilla rreth gjashtë orë pas marrjes në pyetje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
