Kryetari i Aleancës për Ardhmërinë e Kosovës (AAK), Ramush Haradinaj, ka thënë se partia që ai udhëheqë, së bashku me partnerët e koalicionit (NISMA Socialdemokrate, Konservatorët dhe Intelektualët) do ta nxjerrin Kosovën nga regresi.
Këto komente, Haradinaj i ka bërë përmes një postimi në Facebook, pas takimeve që ka pasur me kryetarët e degëve të AAK-së, me qëllim të harmonizimit të aktiviteteve parazgjedhore.
“Aleanca për Ardhmërinë e Kosovës, me partnerët në koalicion, do ta nxjerrë Kosovën nga regresi për ta bërë të mundshëm kthimin e perspektivës për zhvillim dhe integrimin euro-atlantik”, shkroi Haradinaj.
Pasi që Presidentja e Kosovës, Vjosa Osmani, caktoi 9 shkurtin e 2025-së, si datë për mbajtjen e zgjedhjeve të reja, Haradinaj ka qenë mjaft aktiv me premtime parazgjedhore.
Ai ka premtuar rritjen e pensioneve, rritjen e pagës minimale, mbështetje për bujqit, mbështetje për sportin etj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lajçak: Zbardhja e fatit të personave të zhdukur është një çështje urgjente humanitare
-
Haradinaj takon gjeneralin amerikan që ndihmoi në ngritjen dhe zhvillimin e FSK-së
-
Abdixhiku thotë se nëse zgjidhet kryeministër, buxheti i Kosovës do të jetë 5 miliardë euro
-
Komandanti i KFOR-it thekson nevojën për koordinim të vazhdueshëm me institucionet e sigurisë në Kosovë
