Julia Roberts dhe George Clooney, do luajnë në komedinë e ardhshme romantike “Ticket to Paradise”.
Në filmin e shkruar dhe drejtuar nga Ol Parker, i njohur për shkrimin dhe regjinë e “Mamma Mia”, Roberts dhe Clooney luajnë një çift të divorcuar që ribashkohen për të udhëtuar në Bali dhe për të ndaluar vajzën e tyre (Kaitlyn Dever) të martohet impulsivisht me një burrë që takoi gjatë pushimeve.
Në trailerin e filmit, yjet përplasen me njëri-tjetrin në udhëtimin me avion për në provincën indoneziane. Ata bien dakord për një armëpushim për të penguar vajzën e tyre të bëjë të njëjtin gabim që ata bënë 25 vjet më parë.
“Ticket to Paradise” është komedia e parë romantike e yllit të “Pretty Woman” në dekada. Në prill, ajo shpjegoi për të përditshmen “The New York Times” pse ka pritur kaq gjatë.
“Njerëzit ndonjëherë e keqinterpretojnë sasinë e kohës që ka kaluar që unë nuk kam bërë një komedi romantike si të mos dua ta bëj. Nëse do të kisha lexuar diçka që mendoja se ishte ai niveli i shkrimit në ‘Notting Hill’ ose niveli ‘My Best Friend’s Wedding’, do ta bëja”, ka thënë aktorja, raporton “CNN”.
Ajo shtoi se përfshirja e Clooney-t gjithashtu ndihmoi për të nënshkruar marrëveshjen. “Mendova, ‘epo, fatkeqësi, sepse kjo funksionon vetëm nëse është George Clooney’. Dhe ja, George e ndjeu se funksiononte vetëm me mua”, tha ajo.
Dy ikonat e Hollivudit kanë punuar më parë së bashku në “Confessions of a Dangerous Mind”, “Money Monster”, “Ocean’s Eleven” dhe “Oceans Twelve”.
Filmi do të shfaqet në kinema më 21 tetor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rexhep Rexhepi, Mbreti i ri i pavarur i orëve të papërsosura
-
Transformimi radikal i Tiranës: Si kryeqyteti shqiptar po përcakton traditën dhe rishkruan të ardhmen
-
Regjimi i Putinit do të shembet pa paralajmërim, thotë disidenti i liruar
-
Kurti: Kosova, fener i demokracisë dhe të drejtave të njeriut në Ballkanin Perëndimor