Drake me tatuazh të ri në gjuhë arabe dhe me kuptim interesant

Rep artisti kanadez, Drake shtoi pak më shumë bojë në fytyrën e tij kohët e fundit, siç shihet në fotot gjatë fundjavës, në të cilat disa shkrime arabisht u vunë re mbi vetullën e djathtë të yllit të muzikës.

Siç është vënë re, fotografi Brent Kore postoi një imazh të artit të ri të fytyrës së Drake në llogarinë e Instagramit, duke kapur frazën “miskeen” në një hark mbi syrin e rep artistit.

Fraza përdoret zakonisht në komunitetin e madh somalez në qytetin e lindjes së Drake në Toronto dhe vjen nga fjala arabe “miskin”, e cila zakonisht përkufizohet si “fatkeq” ose “i varfër”.

Revista e Universitetit të Torontos e përshkroi përkthimin si “një person ose situatë patetike”, shkruan Billboard, transmeton AlbanianPost.

Ky tatuazh i bashkohet një tjetër homazhi në fytyrën e tij që Drake e bëri verën e kaluar, duke gdhendur inicialet e nënës së tij, SG (për Sandra Gale), nën syrin e majtë.

Rekordmeni i të gjitha kohërave i “Billboard Music Awards” i Drake me 12 trofe në një natë (2019) thuajse u thye të dielën e 19 nëntorit kur Morgan Wallen mori 11 çmime në ceremoninë e vitit 2023.

Me 10 fitore po ashtu ishte edhe , Taylor Swiftm e cila u barazua me Drake për fitoret e të gjitha kohërave BBMA me nga 39 secili.

Drake mori në shtëpi “Artistin më të mirë të repit”, për herë të pestë, “Turneun më të mirë rep” për herë të dytë dhe “Albumin më të mirë rep (Her Loss)”, si dhe “Këngën më të mirë rep (“Rich Flex”)” për bashkëpunimin e tij të suksesshëm me 21 Savage.

Së fundmi, Drake publikoi EP-në e “Scary Hours 3”, një koleksion me gjashtë këngë të reja të regjistruara, të lidhura me edicionin e ri të albumit të tij të fundit “For All the Dogs”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.