Dr. Dre thotë se i ka refuzuar ofertat e bashkëpunimit me Michael Jackson, Prince dhe Stevie Wonder

Shumica e producentëve dhe kompozitorëve do të ishin të ngazëllyer nga mundësia për të punuar me disa nga emrat më të mëdhenj të muzikës botërore.

Por rezulton se ky nuk është rasti për rep artistin ikonik, Dr. Dre, i cili ka ndihmuar në formimin e karrierës së artistëve të tillë si: Eminem, Snoop Dogg dhe Ice Cube.

Gjatë një bisede me Kevin Hart në podcast-in e tij “Hart To Heart”, Dre, emri i vërtetë i të cilit është Andre Romell Young, 58 vjeç, zbuloi se preferenca e tij është të punojë me artistë të rinj.

Gjatë bisedës, Dre ka zbuluar edhe disa detaje të tjera, përfshirë ofertat për bashkëpunime nga legjendat e ndjera, Prince dhe Michael Jackson, dhe jo vetëm.

Dr. Dre ka zbuluar se një nga yjet që e ka refuzuar së fundmi është edhe legjenda amerikane e muzikës, Stevie Wonder.

Rep artisti ka shprehur mendimet e tij, derisa ka theksuar përzgjedhjen e njerëzve me të cilët ka punuar gjatë viteve.

“E gjithë jeta dhe karriera ime ka qenë duke u marrë dhe duke punuar me artistë të rinj. Kjo është ajo që më pëlqen”, tha ai.

Për të shpjeguar më tej marrëdhëniet e tij të punës, ai e barazoi skenarin e tij të ëndrrave me një skulptor me një top balte dhe mundësitë e pafundme që mund të vijnë nga mjeshtëria e përfshirë.

“Është një top balte kur ecin në dhomë. Ju thjesht mund ta formoni atë dhe të bëni atë që dëshironi. Kjo ishte ajo qe doja”, shtoi ai.

Dre fillimisht fitoi rëndësi në industrinë muzikore duke bashkëpunuar me një grup të rinjsh me mendje të njëjtë nga Compton, disa prej të cilëve ishin ende në shkollë të mesme në atë kohë, që do të përfundonin duke formuar NWA.

I vlerësuar si ndër arkitektët origjinalë të nën-zhanrit gangsta rap të hip hopit, grupi bëri bujë në të gjithë botën me albumin e tyre debutues në studio, “Straight Outta Compton” (1988), i cili dukej se kishte shfrytëzuar zemërimin në rritje të të rinjve urbanë me mesazhe të fuqishme, ritme dhe vjersha.

Së bashku me Dr. Dre, pjesë e NWA bëri ishin edhe: Ice Cube, Eazy E, MC Ren, DJ Yella dhe D.O.C.

Ngritja e shpejtë në superyll, nëpërmjet nëntokës dhe fjalëve të gojës nga fansat, ka të ngjarë që Dre mësoi se si mund të ndihmojë në formimin e një artisti të ri.

Dr. Dre e përfundoi këtë temë të veçantë duke thënë se ai nuk ka nevojë për para dhe se ai nuk ka nevojë për ata artistë superstar “në rezymenë time” për t’u ndjerë relevant.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.