Walt Disney dhe Warner Bros Discovery do të fillojnë të ofrojnë një paketë të shërbimeve të transmetimit Disney+, Hulu dhe Max për klientët në SHBA këtë verë.
Paketa e re do të jetë e disponueshme për klientët në të tre platformat e transmetimit.
Gjigantët mediatikë thanë se do të ofrojnë plane me dhe pa reklama, por nuk zbuluan se sa do t’i tarifojnë klientët.
Lëvizja vjen pasi Disney dhe Warner Bros përballen me konkurrencë nga rivalët, duke përfshirë Netflix dhe Amazon Prime Video.
“Kjo ofertë e re do të ndihmojë në rritjen e abonentëve”, tha në një deklaratë ekzekutivi i Warner Bros Discovery, JB Perrette.
Dy kompanitë mediatike thanë se do të zbulojnë më shumë detaje rreth planeve në javët në vijim.
Teksa audienca largohet nga TV tradicionale, kompani si Disney dhe Warner Bros janë nën presion për të tërhequr më shumë abonentë në shërbimet e tyre të transmetimit.
Disney+ është më i njohur për shfaqjet dhe filmat e tij për familjen, ndërsa Warner’s Max është shtëpia e HBO dhe përmbajtjes së tij më të përqendruar te të rriturit.
Vitet e fundit, kompanitë e transmetimit kanë bashkuar forcat dhe kanë ofruar kombinime të shërbimeve të tyre.
Në shkurt, ESPN e Walt Disney, Fox Corp dhe Warner Bros Discovery njoftuan një platformë të re sportive që do të dali në treg në vjeshtë.
Midis tyre ata zotërojnë një gamë të gjerë të të drejtave sportive, duke përfshirë ato për Kupën e Botës FIFA, Formula 1, NFL, NBA dhe Major League Baseball.
Në rezultatet e tij financiare tremujore, Disney tha se Disney+ kishte fituar më shumë se gjashtë milionë abonentë globalisht midis janarit dhe marsit, duke përjashtuar Indinë.
Shërbimi i transmetimit tani ka më shumë se 117 milionë abonentë.
Rritja është e rëndësishme për një shërbim që ka shënuar rritje në muajt e fundit, por që shihet si kritik për të ardhmen e Disney.
Disney u tha gjithashtu investitorëve se një goditje e planifikuar për fjalëkalimin, e cila do të fillojë në verë, duhet të ndihmojë në rritjen e numrave të abonentëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
