CNN: Air Albania ndër linjat ajrore flamurmbajtëse më të vogla në botë

Air Albania është së fundmi pjesë e një renditjeje të agjencisë “CNN” për linjat ajrore flamurmbajtëse më të vogla.

Edhe pse nuk ka një përkufizim zyrtar, në aviacion një linjë ajrore flamurmbajtëse është zakonisht linja ajrore më përfaqësuese e një vendi, duke fluturuar numrin më të madh të linjave ndërkombëtare.

Shumica e vendeve kanë një të tillë, dhe disa madje kanë më shumë se një, siç janë Emiratet e Bashkuara Arabe, të shërbyer nga Etihad dhe Emirates.

Të tjerët nuk kanë fare linjë ajrore flamurmbajtëse zyrtare, si Shtetet e Bashkuara të Amerikës – Pan Am ishte linja ajrore e fundit amerikane që shumë e konsideruan si të tillë, derisa përfundoi operacionet në vitin 1991.

Air Albania – Madhësia e flotës: 3

Aktualisht, sipas “CNN”, Air Albania është duke shërbyer pesë destinacione nga qendra e saj në Tiranë.

Air Albania operon një flotë tërësisht Airbus, të përbërë nga një A319 dhe dy A320, të cilat të gjithë kanë shërbyer më parë me linja të tjera ajrore dhe po i afrohen 15 viteve shërbimi.

Ajo u themelua në vitin 2018, pas një periudhe disavjeçare gjatë së cilës Shqipëria nuk kishte një transportues flamurmbajtës.

Ndërkohë Turkish Airlines – transportuesi flamurmbajtës  i Turqisë – zotëron 49 për qind të kompanisë.

“Nuk ka asnjë ‘test’ standard që përcakton një transportues flamurmbajtës, por temat mjaft të zakonshme përfshijnë pronësinë aktuale ose historike të shtetit ose mbështetjen e qeverisë, një referencë për emrin e vendit në markën e linjës ajrore dhe zakonisht një monopol ose një pozicion dominues brenda atij vendi në tregjet ndërkombëtare të udhëtimeve ajrore”, ka thënë për CNN Gary Crichlow, analist i aviacionit.

“Në shumë mënyra, linjat ajrore më të mëdha dhe më të zhvilluara e kanë zëvendësuar termin, duke u bërë marka globale. Por në anën tjetër të spektrit, transportuesit flamurmbajtës janë ende një veçori. Përbërja e flotës së tyre dhe fokusi i rrugës ndërkombëtare priren të pasqyrojnë një kombinim të pozicionit të tyre gjeografik, si dhe ku lidhjet kulturore dhe ekonomike janë më të forta”, ka shtuar ai.

Sipas Crichlow, operacionet ndërkombëtare të transportuesve të vegjël të Karaibeve si Aruba Airlines, Cayman Airways, Bahamasair dhe Surinam Airways janë pothuajse plotësisht të përqendruara në shërbimin e turistëve dhe diasporës në Shtetet e Bashkuara të Amerikës dhe afërsia e tyre relativisht e afërt do të thotë që ata mund të operojnë ato rrugë me avionë jo më të mëdhenj se trupat e ngushtë 737 ose A320.

Në mënyrë të ngjashme, në Paqësor, 737 e vetme e Air Vanuatu dhe A320 e Solomon Airlines fokusohen shumë në fluturimet për në Australi.

Por me kombet më të vogla vijnë transportues më të vegjël, jo të gjitha të pajisura për rrugë të gjata, siç është Air Albania.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.