Brazili vazhdon me fitore, Argjentina bën hap të gabuar

Janë zhvilluar pesë ndeshjet e radhës në kuadër të kualifikueseve për botërorin “Katar 2022” në Amerikën e Jugut.

Brazili ka vazhduar dominimin, derisa Argjentina, Uruguaji dhe Kolumbia bën hap të gabuar.

“Selecao” udhëtoi për në Venezuelë.

Ndeshja filloi shumë më mirë për vendasit, që epërsinë e gjetën vetëm pas 11 minutash.

Ishte Eric Ramirez i Dinamo Kiev-it ai që gjeti rrugën e rrjetës.

Venezuela u mbajt shumë mirë deri 20 minuta para fundit.

Aty, pas një asistimi të Raphinha-s, Marquinho-s i PSG-së gjeti golin e barazimit.

Kur Venezuela po i drejtohej një barazimi shumë të vlefshëm, gjyqtari akordoi penallti për Brazilin.

Pas një goditje të Vinicius Jr., topi u kthye te Gabriel Barbosa i cili u pengua në zonë.

Pikërisht i njëjti edhe e shndërroi në gol penalltinë.

Në sekonda mbyllëse të ndeshjes, Raphinha ishte asistues përsëri.

Sulmuesi i Leeds e gjeti shumë mirë Antony-n e Ajax-it, i cili shënoi golin e tretë.

Argjentina e yjeve dhe kampione në fuqi e kontinentit, u ndal nga Paraguaji në barazim 0-0.

Me të njëjtin rezultat përfundoi edhe ndeshja mes Uruguajit dhe Kolumbisë.

Ekuadori e kishte shumë të lehtë përballë Bolivisë, duke fituar 3-0.

Ekuadorianët të tre golat i shënuan në 20 minutat e para, me Enner Valencia që gjeti rrugën e rrjetës dy herë.

Fitore arriti edhe Peru-ja, 2-0 përballë Kilit, duke i zhytur të famshmit kilian edhe më shumë në krizë.

Pas dhjetë ndeshjeve të luajtura, kështu duket klasikifimi në Amerikën e Jugut:

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.