Ariana Grande do t’i paguajë ish-bashkëshortit Dalton Gomez 1.25 milion dollarë ndërsa ata finalizojnë divorcin

Këngëtarja Ariana Grande ka finalizuar divorcin nga ish-bashkëshorti i saj, agjenti i patundshmërive Dalton Gomez.

Prishja e martesës dyvjeçare e ish-çiftit u bë zyrtare të martën e 19 marsit në Gjykatën e Lartë të Los Anxhelosit, raportoi Associated Press, transmeton AlbanianPost.

Grande, 30 vjeç dhe Gomez, 28 vjeç, e kishin zgjidhur çështjen në tetor të vitit 2023, por iu kërkua të prisnin gjashtë muaj përpara se urdhri i gjykatësit të hynte në fuqi.

Ylli i popit, i cili ka një vlerë neto të vlerësuar prej 240 milionë dollarësh, do të bëjë një pagesë prej 1.25 milionë dollarësh ndërmjetësit të pasurive të patundshme luksoze pa alimentacion në të ardhmen, sipas agjencisë së lajmeve.

Grande gjithashtu ra dakord t’i jepte Gomez gjysmën e të ardhurave nga shitja e shtëpisë së tyre në Los Anxhelos dhe do të paguajë deri në 25 mijë dollarë për tarifat e tij të avokatit.

Pasi Grande dhe Gomez paraqitën njëkohësisht kërkesën për divorc në shtator të vitit 2023, burime pranë situatës thanë se dyshja tashmë kishin përpunuar detajet përpara se të shkonin në gjykatë për të siguruar një ndarje ligjore të shpejtë dhe miqësore.

Page Six konfirmoi për herë të parë në korrik  të vitit 2023 se fituesja e “Grammy” dhe i diplomuari në Universitetin e Kalifornisë Jugore ishin ndarë, me pëlqim të dyanshëm.

“Ata vendosën së bashku sepse kishin probleme para janarit, por duan të mbeten miq të mirë”, zbuluan burimet.

Ditë më vonë, mediat rozë u pushtuan nga lajmi se Grande nisi një romancë të re me bashkë-yllin e saj të filmit “Wicked”, Ethan Slater, i cili bëri kërkesë për divorc nga gruaja e tij, Lilly Jay, menjëherë pas raportimeve.

Gomez gjithashtu ka filluar romancë të re, teksa  u fotografua duke u shoqëruar me aktoren Maika Monroe gjatë pushimeve në Meksikë muajin e kaluar.

Grande dhe Gomez u takuan në fillim të vitit 2020 dhe konfirmuan lidhjen e tyre në videoklipin “Stuck With U” të saj dhe të Justin Bieber atë maj.

Ata u fejuan në dhjetor të vitit 2020 dhe u martuan fshehurazi në maj të 2021-shit.

Aktorja, e cila më parë ishte në lidhje me Pete Davidson, Mac Miller dhe Big Sean, publikoi një album të frymëzuar nga divorci i saj nga Gomez, të titulluar “Eternal Sunshine”, në fillim të këtij muaji.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.