Që nga viti 1969, çokollata është studiuar si një faktor i mundshëm kontribues në shfaqjen e akneve.
A mund të jetë yndyra, sheqeri, apo edhe kimikatet e përdorura për të krijuar çokollatën, ato të cilat shkaktojnë puçrra në lëkurën tuaj?
Çfarë thotë hulumtimi?
Historikisht, studimet janë hedhur poshtë për shkak të përbërësve shtesë në çokollatë – si qumështi dhe sheqeri – që mund të ndikojnë gjithashtu në lëkurë.
Studimet e hershme mbi çokollatën dhe aknet në fakt përdorën çokollatë dhe karamele që ishin të ngarkuara me sheqer, shpesh me më shumë sheqer sesa versionet e çokollatës.
Këto mospërputhje çuan në rezultate kontradiktore dhe metoda studimi të dyshimta, të cilat kanë mbajtur gjallë debatin e çokollatës. Pra, nuk është çudi që, pas dekadash kërkimesh, ende nuk ka një përgjigje të qartë.
Disa studime tregojnë çokollatën si fajtori i akneve
Disa kërkime sugjerojnë se çokollata mund të përkeqësojë aknet ekzistuese ose të nxisë shpërthime të reja në lëkurën e prirur ndaj akneve.
Një studim i bërë në vitin 2013 në një laborator sugjeron se çokollata mund të rrisë ashpërsinë dhe shpeshtësinë e shpërthimeve të akneve, duke inkurajuar sistemin imunitar të reagojë më agresivisht ndaj dy baktereve që shkaktojnë aknet.
Megjithatë, ky reagim nuk është vërtetuar te njerëzit.
Një tjetër zbulim, ku 14 burra të prirur ndaj akneve morën kapsula që ishin të mbushura me 100 për qind kakao të pa-ëmbëlsuar, pluhur xhelatinë, ose një kombinim të të dyjave për të përcaktuar nëse çokollata dhe doza totale ndikonin në akne.
Studimi zbuloi se kishte një lidhje pozitive midis sasisë së kakaos së gëlltitur dhe një rritje të simptomave të akneve.
Të tjerë e hedhin poshtë lidhjen çokollatë-akne
Megjithatë, një studim i vitit 2012 që u kërkoi 44 të rinjve të rritur të mbanin një ditar ushqimor treditor, nuk gjeti asnjë lidhje midis çokollatës dhe akneve.
Nevojiten më shumë kërkime me mostra më të mëdha dhe më të ndryshme për të konfirmuar gjetjet dhe për të përcaktuar se çfarë përbërësi në çokollatë mund të rrisë inflamacionin dhe të përkeqësojë simptomat.
Efekti i çokollatës në insulinë është paraqitur gjithashtu si një ndikim i mundshëm në aknet. Një hulumtim australian i vitit 2003 zbuloi se pjesëmarrësit, që hanin ushqime të aromatizuara me pluhur kakao, kishin një përgjigje më të lartë të insulinës sesa grupi i kontrollit që hëngri të njëjtat ushqime pa kakao.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
