LeBron James thyen barrierën e 39 mijë pikëve

Legjenda e Los Angeles Lakers, LeBron James arriti një tjetër numër pikësh në NBA gjatë fitores 131-99 të skuadrës së tij ndaj Utah Jazz në turneun e sezonit.

38-vjeçari vazhdon të rrisë epërsinë e tij në krye të listave me pikë të të gjitha kohërave pasi theu rekordin e mëparshëm të Kareem Abdul-Jabbar prej 38,387, i cili kishte qëndruar që nga viti 1984, viti i lindjes së James.

Nëntë muaj pasi u bë kryesuesi i listës së pikëve historike në NBA, James hyri në përplasjen e Lakers me Jazz të martën duke u nevojitur vetëm pesë pikë për të thyer barrierën prej 39,000, gjë që bëri në çerekun e parë të një rrugëtimi total prej 17 pikësh.

James shtoi gjithashtu shtatë kërcime dhe nëntë asistime në një fitore bindëse për Lakers, të cilët panë Anthony Davis të kryesonte me 26 pikë në emër të tij, ndërsa Austin Reaves doli me 19.

Fitorja e Lakers në “Crypto.com Arena” shënoi fitoren e tyre të katërt nga katër ndeshje në West Group A, duke i siguruar skuadrës së Darvin Ham një vend në fazat e eliminimit.

Çerekfinalet e kompeticionit inaugurues fillojnë më 4 dhjetor, para së cilës Lakers, të cilët janë në vendin e gjashtë në Konferencën Perëndimore, do të përballen me Dallas Mavericks të mërkurën në mbrëmje.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.