“Barbie” po vjen.
Jo si atëherë. Po vjen në botën e re, ku mediat sociale e shumëfishojnë praninë e saj dhe e rikthejnë sërish në trend të fuqishëm të kohës.
Ngado sërish dëgjohet “Hey Barbie”.
Tanimë kanë dalë edhe vlerësimet e para të kritikëve dhe duket se filmit të shumëpritur po i shtrohet rruga për Oscar, sipas “BBC”-së. Dhe nuk përbën çudi që flitet për një botë kukullash.
Entuziazmi nga fansat, kritikët e filmit dhe fansat e kritikëve të filmit ka qenë i jashtëzakonshëm.
Po ashtu u dyfishua pasi u zbuluan në internet fotot e Margot Robbie dhe Ryan Gosling, të njohur si Barbie dhe Ken, të veshur me ngjyrën tipike rozë.
Në optikën e kritikëve, pritet të shfaqet në ekranin e madh “një film magjepsës”, ku del në pah “një interpretim ekzistencial mbi atë që do të thotë të jesh grua dhe njeri”.
Një film ku “bota pasqyrohet përmes thjerrës së Barbie-t, dhe duke e bërë këtë, jep një deklaratë me gjemba të mbështjellë në një përzierje kinematografike vizualisht luksoze dhe sublime”.
Për kritikët, “kombinimi i meta-shakasë me një grumbull sinqeriteti motivues nuk është detyrë e lehtë, por ‘Barbie’ është një sukses shumë simpatik”.
Të tjerë mendojnë se është një film “argëtues dhe i këndshëm, por me një goditje të butë përmes ironisë së lehtë, nostalgjisë festive për një kukull që ekziston ende”.
Regjisorja Greta Gerwig dhe bashkë-skenaristi Noah Baumbach kanë zgjedhur të japin idenë e një tjetër teorie, se Barbie fuqizon.
Një aventurë e ngjyrosur me komedi fantastike, me tematikë fantastike, prodhuar nga Mattel, me yllin Margot Robbie, bukuria e së cilës është etiketuar shpesh si e vetë kukullës Barbie.
Koncepti i Gerwig dhe Baumbach është se ekziston një tokë magjike e bërë nga plastika shumëngjyrëshe, ku të gjitha lodrat e gamës Barbie të Mattel jetojnë si njerëz pak a shumë të vërtetë.
Në vija të përgjithshme, filmi duket se përpiqet të thyejë impulset anti-Barbie, ku personaliteti i Barbie-t është padyshim konformist.
Tani shfaqen një sërë Barbie-sh, të ndryshme për nga përkatësia etnike dhe imazhi i trupit, duke përfshirë edhe një Barbie në karrige me rrota.
Kështu, sipas “The Guardian”, rezultati është një film me natyrë të mirë, por i vetëdijshëm për këto impulse, komedia e të cilit i ka rrënjët pikërisht në atë vetëdije, shpesh qesharake, por ndonjëherë edhe disi të frenuar.
Në vija të përgjithshme, filmi duket se përpiqet të thyejë impulset anti-Barbie, ku personaliteti i Barbie-t është padyshim konformist.
Tani shfaqen një sërë Barbie-sh, të ndryshme për nga përkatësia etnike dhe imazhi i trupit, duke përfshirë edhe një Barbie në karrige me rrota.
Kështu, sipas “The Guardian”, rezultati është një film me natyrë të mirë, por i vetëdijshëm për këto impulse, komedia e të cilit i ka rrënjët pikërisht në atë vetëdije, shpesh qesharake, por ndonjëherë edhe disi të frenuar.
Barbie përfundon duke luajtur me personazhe komik si metroseksuali Ken, i fiksuar pas habitatit të tij dhe dëshirës për patriarkatin.
Vetë Barbie po jeton jetën e saj më të mirë në botën e saj të përsosur, duke festuar një mbrëmje me Barbie që janë lidere, gjyqtare dhe laureate Nobel-i, kur befas pushtohet me mendimin e tmerrshëm të vdekjes.
Të nesërmen ajo e gjen veten në depresion dhe duke përjetuar ndryshime të papritura fizike që lidhen me menopauzën.
Ajo takohet me një Barbie të çuditshme, një të dëbuar në Barbieland, e cila i thotë se ajo dhe kushdo që jeton në Barbieland është në fakt një lodër.
Asaj i duhet të udhëtojë në botën reale për ta zgjidhur këtë. Kështu ajo dhe Ken mbërrijnë në Santa Monica për të zbuluar se ky ankth ekzistencial është transmetuar psiko-kozmikisht nga Gloria, një ish-pronare e Barbie-t, tani një nënë beqare.
Ken emocionohet nga dominimi mashkullor në këtë botë reale dhe përpiqet ta përsërisë atë në Barbieland, për të zhgënjyer Barbie-n.
Ai bind edhe Ken-ët e tjerë të ngrihen dhe të krijojnë patriarkinë e tyre.
Barbie-t demoralizohen dhe shpejt nënshtrohen në role si shërbëtore, amvise dhe të dashura.
Ndërkohë, Barbie kthehet bashkë me Gloria-n në Barbieland dhe ato arrijnë të motivojnë Barbie-t që të kundërpërgjigjen dhe të rimarrin kontrollin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
