Caktohet data për meçin Joshua – Fury

Skuadra e Anthony Joshua-s ka konfirmuar se ka pranuar kushtet e përcaktuara nga skuadra e Tyson Fury-t për ta zhvilluar luftën më 3 dhjetor.

“Mund të konfirmojmë, në emër të Anthony Joshua-s se i pranuam të gjitha kushtet e paraqitura nga ekipi i Fury-t për një përballje më 3 dhjetor të premten e kaluar,” postoi 258 MGT në Twitter.

“Joshua’s 258 Management and Matchroom” deklaroi në mediat sociale se komunikimi për ndeshjen ishte ndërprerë për shkak të vdekjes së Mbretëreshës Elizabeth II dhe se ata prisnin një përgjigje.

Joshua-Fury update:

258 and @MatchroomBoxing can confirm, on behalf of @anthonyjoshua, that we accepted all terms presented to us by Fury’s team for a fight Dec 3rd last Friday.

Due to the Queen’s passing, it was agreed to halt all communication.

We are awaiting a response.

— 258MGT (@258mgt) September 13, 2022

Ata kanë pranuar këtë datë, pasi që kishin dy opsione: 26 nëntor në stadiumin “Wembley” ose 3 dhjetor në stadiumin Principality të Cardiff-it.

Pavarësisht që Joshua nuk ka kaluar shumë kohë nga humbja me Oleksandr Usyk, ai përsëri do të rikthehet në ring pas një kohe të shkurtë.

Fury kohët e fundit sfidoi Joshua-n në një përballje të shumëpritur gjithë-britanike dhe i ofroi dy herë kampionit të botës 40 për qind të përfitimeve nga meçi mes tyre që tashmë dihet edhe data se kur do të jetë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.