Mjekët shpesh dëgjojnë pacientët e tyre të ankohen për djersitje gjatë natës. Djersitjet e natës i referohen djersitjes së tepërt gjatë natës.
Por, nëse dhoma juaj e gjumit është jashtëzakonisht e nxehtë ose keni veshur shumë rroba krevati, mund të djersiteni gjatë gjumit, dhe kjo është normale.
Djersitjet e vërteta të natës janë ndezje të forta të nxehta që ndodhin gjatë procesit të gjumit që mund të lagin rrobat dhe çarçafët tuaj dhe që nuk lidhen me një mjedis të mbinxehur.
Është e rëndësishme të theksohet se skuqja e fytyrës apo trupit, mund të jetë e vështirë të dallohet nga djersitjet e vërteta të natës.
Ka shumë shkaqe të ndryshme të djersitjes gjatë natës dhe për të gjetur shkakun, një mjek duhet të marrë një histori të hollësishme mjekësore dhe të urdhërojë teste për të vendosur se çfarë gjendje mjekësore është përgjegjëse për djersitjet e natës.
Albanian Post ju prezanton me disa nga shkaqet e këtij problemi bazuar në studimet amerikane të shëndetësisë.
Menopauza – flakët e nxehta që shoqërojnë menopauzën mund të ndodhin gjatë natës dhe të shkaktojnë djersitje. Ky është një shkak shumë i zakonshëm i djersitjes së natës tek gratë.
Hiperhidroza idiopatike – është një gjendje në të cilën trupi prodhon në mënyrë kronike shumë djersë pa ndonjë shkak mjekësor të identifikueshëm.
Infeksionet – tuberkulozi është infeksioni që lidhet më së shpeshti me djersitjen e natës. Por infeksionet bakteriale, të tilla si endokarditi (inflamacioni i valvulave të zemrës), osteomieliti (inflamacion në kocka) dhe absceset mund të shkaktojnë djersitje gjatë natës.
Djersitja e natës është gjithashtu një simptomë e infeksionit HIV.
Kanceret – djersitja e natës është një simptomë e hershme e disa kancereve. Lloji më i zakonshëm i kancerit i lidhur me djersitjen e natës është limfoma.
Sidoqoftë, njerëzit që kanë një kancer të padiagnostifikuar shpesh kanë simptoma të tjera, të tilla si humbje peshe të pashpjegueshme dhe ethe.
Medikamentet – marrja e ilaçeve të caktuara mund të çojë në djersitje gjatë natës. Ilaçet kundër depresionit janë më të shpeshta që shkaktojnë këtë problem.
Nga 8% deri në 22% e njerëzve që marrin ilaçe kundër depresionit kanë djersitje gjatë natës.
Droga të tjera psikiatrike janë shoqëruar gjithashtu me djersitjen e natës. Ilaçet e marra për të ulur ethet, të tilla si aspirina dhe acetaminofeni, ndonjëherë mund të çojnë në djersitje dhe plot të tjera mund të shkaktojnë djersitje gjatë natës ose skuqje.
Hipoglikemia – sheqeri i ulët në gjak mund të shkaktojë djersitje. Njerëzit që marrin insulinë ose ilaçe orale për diabetin mund të kenë hipoglikemi gjatë natës që shoqërohet me djersitje.
Çrregullimet hormonale – djersitja ose skuqja mund të shihet me disa çrregullime hormonale, duke përfshirë feokromocitomën, sindromën karcinoid dhe hipertiroidizmin.
Kushtet neurologjike – këto kushte, përfshirë disrefleksinë autonome, syringomyelia posttraumatike, goditjen në tru dhe neuropatinë autonome mund të shkaktojnë djersitje të shtuar dhe mund të çojnë në djersitje gjatë natës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
