Me fitoren në garën e Sochi-t, Lewis Hamilton ka arritur numrin 100 të fitoreve në karrierë.
Në një garë shumë speciale, ai u ndihmua nga shiu dhe aftësitë e tij personale për të parakaluar Lando Norris në fund dhe për të arritur fitoren historike numër 100.
Shtatë herë kampioni i botës po lufton për titullin e tetë në karrierë, në një ndër betejat më të ashpra në histori të F1, përballë Max Verstappen.
Kur kanë mbetur edhe shtatë gara deri në fund, dy pilotët i ndajnë vetëm dy pikë.
Mirëpo, pas garës së djeshme, Formula 1 ka publikuar një video të dhjetë fitoreve më mbresëlënëse të Hamilton-it.
Nga dhjetë deri në një, ato janë:
Brazil 2016 – Mercedes
Hungari 2013 – Mercedes
Kinë 2011 – McLaren
Kanadë 2007 – McLaren (fitorja e parë)
Monako 2008 – McLaren
Turqi 2020 – Mercedes (fitorja që e shpalli kampion për herë të shtatë)
Bahrejn 2014 – Mercedes
Japoni 2007 – McLaren
Gjermani 2018 – Mercedes
Britani e Madhe 2008 – McLaren
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
