4.4 dollarë në ditë. Kaq i nevojiten një personi që jeton në Shqipëri vetëm për ushqim, për të plotësuar nevojat e një diete normale.
Kështu e ka përllogaritur kuotën Organizata Botërore e Ushqimit (FAO).
Kjo kosto sakaq, është e vlefshme për vitin 2021 dhe është më e larta në Evropë dhe në Rajon.
Në renditjen globale, me 163 vende, Shqipëria renditet në vendin e 28 për kostot e larta të dietës ushqimore ditore.
Indeksi i kostos së dietës ushqimore u gjenerua nga databaza e FAO-s dhe në Shqipëri rezulton të jetë e lartë, për shkak se në vend, pagat janë ndër më të ulëtat në Evropë dhe gati 30% më të ulëta se Rajoni.
Nga ana tjetër, çmimet janë të larta dhe për disa produkte më të larta se në vendet e BE-së.
Indeksi i FAO-s llogarit si vendin me koston më të lartë të jetesës Xhamajkën me 7 dollarë për frymë për person, e ndjekur nga Grenada dhe Suriname me 6.1 dollarë secila.
Kurse Britania e Madhe ka kostot më të ulëta të dietës ushqimore për person në ditë, sipas fuqisë blerëse me vetëm 2 dollarë në ditë, e ndjekur nga Irlanda me 2.2 dollarë.
Përgjithësisht – referuar Monitor-it – kostot e larta të ditës ushqimore i kanë vende të varfra dhe ato në zhvillim.
Pas Shqipërisë, kostot më të larta dietës ditore për ushqim në rajon i ka Serbia me 4.3 dollarë për person në ditë.
Kjo, ndjekur nga Bosnja me 4.1 dollarë në ditë, Mali i Zi me 3.7 dollarë në ditë dhe Maqedonia e Veriut me 3.6 dollarë në ditë.
Në vitin 2022, grupi “Ushqime dhe pije joalkoolike”, zuri 39,7% në buxhetin familjar, me një rënie prej 1.6 pikë përqindje në krahasim me vitin e mëparshëm.
Çka rezulton më e larta në Evropë.
Sipas Eurostat, për të njëjtin tregues, mesatarja e BE-së është 13%, ndërsa dhe në vendet e tjera të rajonit është më e ulët se në Shqipëri.
Familjet shqiptare janë aq të varfra sa detyrohen që pjesën më të madhe të të ardhurave të tyre t’i çojnë për t’u ushqyer.
Po ashtu – sipas Eurostat – shpenzimet nominale për ushqime në Shqipëri ishin sa 31% e Prodhimit të Brendshëm Bruto (PBB), ose asaj që prodhon ekonomia në një vit, në vitin 2022.
Shifra rezulton sërish më e larta në Evropë dhe shumë më tepër sesa mesatarja prej 6.3% e PBB-së së BE-së.
Në Shqipëri, çmimet e ushqimeve janë sa 83.7% e mesatares së Bashkimit Evropian, e treta më e shtrenjtë në rajon, pas Serbisë dhe Malit të Zi.
Më të lirat në rajon janë çmimet në Maqedoninë e Veriut, me 68.2% e mesatares së BE-së.
Për bukë e drithëra, në Shqipëri shpenzohet 4.3% e PBB-së, nga 1.1% që është mesatarja evropiane.
Për qumësht, djathë dhe vezë, shpenzimet janë sërish rekord në 5.1% të PBB-së, nga vetëm 1% që është mesatarja e BE-së.
Familjet shqiptare i blejnë këto produkte 11.8% më shtrenjtë sesa mesatarja evropiane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Një Shtet Sovran Bektashi: Revolucion Fetar në Shqipëri, apo eksperiment Politik?
-
Hoxha pranon se është i pakënaqur me rezultatet e Policisë
-
Pakti i emigrantëve të Italisë me Shqipërinë nuk ka kuptim – Pra, cila është arsyeja e vërtetë që Starmer po tregon interes?
-
Mbyllet hetimi për dosjen “Partizani”, Berisha sërish në SPAK